Achy's Bloggie: Aborsyon: Takot, Kahihiyan at Kasalanan

Kaawa-awang bata sa sinapupunan

Sa kasalukuyan, kinahaharap ng ating bansa ang lumaking bilang ng populasyon ng mga Pilipino. Humigit-kumulang labin-dalawang milyon na ang bilang ng mga Pilipino sa Pilipinas at araw-araw ay nadaragdagan pa ito ayon sa pag-aaral ng National Statistic Office (NSO). Dahil sa dumaraming kaso ng maagang pagbubuntis sa mga kabataang wala pa sa legal na edad, patuloy na bumibigat ang problema ng karamihan sa ating mga kababayan tungkol sa paglobo ng populasyon na karaniwang nagiging dahilan hindi lamang ng kahirapan kundi maging ang nadaragdagang kaso sa bansa ng aborsyon.

Ilang taon ng pinag-uusapan ang pagpapalegal ng aborsyon sa ating bansa. ‘Di basta-basta ang pagpapatupad nito dahil ang ating bansa ay isang demokratik, na mas inuuna ng isipin ang pagpapahalaga ng relihiyon sa buhay ng tao.

Takot

Ayon kay Gil (2011), Dala marahil ng kapusukan kaya humantong ang mga batang ina sa kanilang sitwasyon. Karaniwang rebelde, mapageksperimento at agresibo ang mga kabataan sa kasalukuyan. Ilan ito sa mga nagiging dahilan ng maagang pagbubuntis ng marami. Ngunit kapag humantong na sila sa ganitong sitwasyon, takot na ang namamayani. At ang mabilis maisip at epektibong paraan upang takasan ito ay aborsyon.

Kahihiyan

Ayon kay Bautista (2011), Sa lipunang ating kinabibilangan, isang malaking kahihiyan hindi lamang sa ina kundi sa kanyang buong pamilya ang magdalantao nang wala pa sa wastong gulang. Bagamat dumarami na ang mga ganitong kaso sa kasalukuyan, ang kaugaliang pagiging konserbatibo sa ating mga Pilipino rin ang nawawala. Isang makasalanang babae ang tingin sa babaeng nabuntis habang bata pa siya. Dadalhin niya ang ganitong pagtingin ng kanyang lipunan hanggang kamatayan.

Kasalanan

Ayon kay Gil (2011), Sa ibang pagkakataon nama’y dulot ng masamang pangayayari o pang-aabuso ang dahilan ng pagbubuntis ng batang ina. Ang sanggol na nabuo sa sinapupunan ng isang babe, ito man ay dulot ng pagiging mapusok o ng makamundong kasalanan ay inosente at walang kalaban-laban. Kung ang desisyong pag-abort ay ginagawa para lamang sa sariling kagustuhan o upang matakpan ang dungis ng kahihiyang idudulot nito, hindi ito sapat upang may isang batang magbuwis ng sariling buhay.

Paano nga ba matatanggap ng kanyang pamilya at lipunan ang sanggol na bunga ng isang kasalanan? Kakayanin nga ba ng isang batang ina ang makapiling habambuhayang isang batang paulit-ulit lamang na makapgpapaalala sa kanyang malupit na karanasan? Ano’t ano pa man ang mga kadahilanan, marapat sana nating lahat na alalahanin ang mga turo ng simbahan at paaralan.